Ang Pascua (Passover)

Ginkadtuhan ni Moises si Faraon kag ginpangabay sia nga buy-an ang Israelnon nga mga ulipon. Nagpamalibad si Faraon. Nagpadala ang Ginuo sang mga kalalat-an sa Egipto, pero namalibad gihapon si Faraon.

Siling sang Ginuo nga mapadala Sia sang isa pa ka kalalat-an. Ang panganay nga bata sang tagsa ka pamilya sa Egipto mapatay. Pero kon sundon sang mga Israelnon ang Iya mga instruksyon, magalabay lang ang kalalat-an sa ila.

Ginhambalan sang Ginuo ang mga Israelnon nga maghalad sang perpekto nga lalaki nga karnero kag ipinta ang dugo sang karnero sa ibabaw sang ila mga pwertahan.

Nag-abot ang kalalat-an. Ang tanan nga panganay sa Egipto napatay, lakip na ang kamagulangan nga bata nga lalaki ni Faraon. Ang mga panganay sang mga Israelnon naluwas tungod gintuman nila ang Ginuo.

Ginhambalan ni Faraon si Moises kag ang mga Israelnon nga maghalin sa Egipto. Pero akig si Faraon. Ginlagas niya sila kag sang iya mga soldado.

Ang mga Israelnon nagkampo sa higad sang Dagat nga Pula. Sang makita nila nga nagapadulong ang mga Egiptohanon, nahadlok sila. Ginhambal ni Moises nga protektahan sila sang Ginuo.

Gin-alsa ni Moises ang iya baston, kag gintunga sang Ginuo ang dagat. Nagtabok ang mga Israelnon sa mala nga duta.

Sang ang mga Israelnon luwas na sa tabok sang dagat, nagbalik ang dagat kag ginlunod ang mga soldado. Sa katapusan hilway na ang mga Israelnon.

Ginakoloran nga Pahina

Nabanhaw si Jesucristo para sa Akon

Mga drowing ni Audrey Day. Pwede kopyahon para gamiton lang sa Simbahan.

Ano ang pwede mo himuon para panumdumon si Jesucristo sa sining Paskwa sang Pagkabanhaw (Easter) kag sa bilog nga tuig?