Te Toa are Te Riao

E nako Mote nakon Bwarao ao ni bubutiia bwa e na kainaomataia Iteraera man te tautoronaki. E aki kariaia Bwarao. E kanakoi taian aoraki te Uea nako Aikubita, ma e bon teimatoa naba n rawa Bwarao.

E taku te Uea bwa E na kanakoa teuana riki te kabanea n aoraki. A na mate naati karimoa man taian utu n tatabeua nako i Aikubita. Bwa ngkana a ira Ana kaetieti kaain Iteraera, a na riaoaki.

E tuangiia Iteraera te Uea bwa a na anga aia karea ae te tibu te teei te mwaane ao a na beniia etan aia mataroa n raraan te tiibu te teei.

E a roko te aoraki. A bane ni mate moan natiia I-Aikubita, n raonaki ma ana moa n nati Bwarao te mwaane. A kamaiuaki aia moan nati Tibun Iteraera ibukina bwa a ongeaba iroun te Uea.

E tuanga Mote ao Iteraera Bwarao bwa a na kitana Aikubita. Ma e rangi n un Bwarao. E nako ni kakioiia ngaia ma ana taanga ni buaka.

A katei umwaia iirarikin Taari ae Uraura tibun Iteraera. Ngke a nooria kaain Aikubita bwa a roko, ao a maaku. E taku Mote bwa e na bon kawakiniia te Uea.

E tabeka okona Mote, ao e bwenaua taari te Uea. A rinuukan taari n te tano ae mwaau tibun Iteraera.

Ngke a bane ni mano kaain Iteraera n iteran taari are teuana, e oki taari nako naano ao a bwabwa tautia. A inaomata Tibun Iteraera n tokin te tai.

Te Iteraniba ni Kara

E a Mangauti Iesu Kristo Ibukiu

Kamatataan korotamnei iroun Audrey Day. E kona ni katotongaki ti ibukin kabonganana n te Ekaretia.

Tera ae ko kona ni karaoia n uringa iai Iesu Kristo n te Itita