Na Lakosivia

A lako o Mosese kei Fero ka kerei koya me sereki ira na bobula ni Isireli. Sa bese ni vakadonuya o Fero. A vakauta na Turaga na mate veitauvi ki Ijipita, ia e se sega tikoga ni kaya o Fero.

E kaya na Turaga ni na tala mai e dua na iotioti ni mate ca. Ena mate na imatai ni gone ni matavuvale yadudua mai Ijipita. Ia kevaka era muria na Isireli na Nona ivakasala, era na lako siviti ira na mate ca sara.

A kaya na Turaga vei ira na Isireli me ra vakacabora e dua na lami sa uasivi sara ka boroya na dra ni lami e dela ni nodra katuba.

Sa yaco mai na mate ca. Era a mate kece na matai ni gone ni Ijipita, okati kina na luvei Fero tagane. Ia era vakabulai na imatai ni nodra gone na Isireli baleta ni ra a talairawarawa vua na Turaga.

A kaya o Fero vei Mosese kei ira na Isireli me ra biuti Ijipita. Ia a cudru sara o Fero. A qai cemuri ira kei na nona mataivalu .

Era a keba na Isireli ena Wasa Damudamu. Ni ra sa raica ni ra sa lako mai na kai Ijipita, era sa rere. E kaya o Mosese ni na taqomaki ira na Turaga.

A laveta cake o Mosese na nona ititoko, ka tawasea na Turaga na wasawasa. Era takosova na Isireli na qele mamaca.

Ni ra sa taqomaki na Isireli ena tai kadua ni wasawasa, sa siro sobu mai na wai ka vakaluvuca na mataivalu. Era sa galala tu na Isireli ena iotioti ni gauna.

Tabana ni Rokarokataki

A Tucaketale mai na mate o Jisu Karisito vei Au

iVakaraitaki mai vei Audrey Day. E rawa ni lavetaki me vakayagataki walega ena Lotu.

Na cava o rawa ni cakava mo nanumi Jisu Karisito kina ena Siganimate oqo kei na yabaki taucoko?