April 2026

Moses a feino ngeni Pharaoh me eisini i an epwe angasano ekkewe chon Israel mi fotek. Pharaoh ese mutata. Ewe Samon a tinano ekkoch riaffoun semwen ngeni Egypt, nge Pharaoh a pwan chok ara apw.

Ewe Samon a apasa pwe I epwe tinano eu omuchunon eriaffou. Ewe mwannichi seni meinisin famini non Egypt repwe mano. Nge ika ekkewe chon Israel repwe tapweno mwirin An ourour, ewe eriaffou pwe nuchang senir.

Ewe Samon a ureni ekkewe chon Israel repwe asorata emon niemwanin nam mi unusoch me peinitata ewe chan ewe nam won uren asamer kewe.

Ewe eriaffou a feito. Meinisin ekkewe mwanichi non Egpyt ra mano, mi pachenong noun Pharaoh we at. Nge ekkewe manichin ekkewe chon Israel ra tumun pokiten ra aneasochisi ewe Samon.

Pharaoh a ureni Moses me ekkewe chon Isarel repwe su seni Epypt. Nge Pharaoh a song. I me noun kewe sounfiu ra tapweno mwirir.

Ekkewe chon Israel ra asoso ren ewe Setipar. Nupwen ra kuna ekkewe chon Egypt ra wareto, ra nuokus. Moses a apasa ewe Samon epwe eppetir.

Moses a chunata wokun we, me ewe Samon a eimufeseni ewe sat. Ekkewe chon Israel ra pwereno ewe epek won puun mi pwas.

Nupwen ekkewe chon Israel ra tumun won ewe epekin ewe sat, ewe konik a pwonureno me omwopa ekkewe sounfiu. Nesponon ekkewe chon Israel ra ngaseno.

Peichen Enuwa

Jises Kraist a Manausefan fan Itei

Chunga seni Audrey Day. Mi tongeni epwe kapitiw ren noun oun chok ewe Mwichefen.

Met ka tongeni fori om kopwe chechemeni Jises Kraist atun ei Easter me unusen ei ier?