Pasova

Moses i go luk Farao mo i askem hem blong letem ol slef blong Isrel oli go fri. Farao i no wantem. Lod i mekem ol man Ijip oli gat soa, be iet Farao i talem no.

Lod i talem se bae ol man Ijip oli gat soa bakegen, laswan. Fasbon pikinini blong evri famli long Ijip bae oli ded. Be sapos ol man Isrel oli folem ol instraksen blong Hem, ol soa ia bae oli pas ova long olgeta.

Lod i talem long ol man Isrel blong sakrifaesem wan man sipsip we i stret evriwan mo pentem blad blong sipsip ia antap long doa blong olgeta.

Sik blong soa i kam. Evri fasbon boe blong ol man Ijip oli ded, boe blong Farao tu i ded. Be ol fasbon boe blong ol man Isrel oli no ded from we oli obei long Lod.

Farao i talem long Moses mo ol man Isrel blong oli aot long Ijip. Be Farao i kros. Hem i tekem ol ami oli ron bihaen long olgeta.

Ol man Isrel oli mekem kamp long saed blong Red Si. Taem oli luk ol man Ijip oli kam, oli fraet. Moses i talem se bae Lod i protektem olgeta.

Moses i leftemap stik blong hem, mo Lod i seraotem wota. Ol man Isrel oli krosem wota long drae graon.

Taem ol man Isrel oli kasem narasaed blong wota, wota i kam daon mo i draonem ol ami. Long en, ol man Isrel oli kam fri.

Pej blong Kala

Jissa Kraes i Laef Bakegen long Ded from Mi

Ol pikja i kam long Audrey Day Yu save mekem kopi blong yusum long Jos nomo.

?Wanem nao yu save mekem blong tingbaot Jisas Kraes long Ista ia mo long ful yia?