Ni Moises a Propeta

Maysa nga Israelita ni Moises, ngem pinadakkel ti anak a babai ni Faraon idiay Egipto. Naliday ni Moises ta naulpit dagiti Egipsio kadagiti Israelita ken pinagbalinda ida nga adipenda.

Maysa nga aldaw nakita ni Moises ti maysa nga Egipsio a mangsapsaplit iti maysa nga Israelita. Sinalakniban ni Moises ti Israelita.

Idi maduktalan ni Faraon, kayatna a patayen ni Moises, ngem pimmanaw ni Moises manipud iti Egipto.

Dimteng ni Moises iti maysa a lugar a maawagan iti Midian, a nakaam-ammuanna iti maysa a babai nga agnagan iti Sefora. Nagkallaysada ket naaddaanda iti annak.

Bayat ti panagindegna iti Midian, nakita ni Moises ti maur-uram a bassit a kayo, ngem saan nga inuram ti apuy ti bassit a kayo. Nagparang ti Apo iti apuy ket nakisao ken ni Moises.

Kinuna ti Apo nga ammona nga agsagsagaba dagiti Israelita idiay Egipto. Imbilinna nga agsubli ni Moises iti Egipto ket ibagana ken ni Faraon a wayawayaanna dagiti Israelita. Kinuna ti Apo a tulonganna ni Moises a mangwayawaya kadagiti Israelita ken mangidaulo kadakuada nga agturong iti naikari a daga.

Panid ti Panagkolor

Makapagbalinak a Naasi iti Dadduma

Dagiti panangiladawan ni Audrey Day. Mabalin a kopiaen para iti pakausaran ti Simbaan laeng.

Ania ti mabalin nga aramidem iti daytoy a lawas tapno agbalinka a naasi?