Tus Yaj Saub Mauxes

Mauxes yog ib tug Neeg Ixayees, tiam sis Falaus tus ntxhais tu nws nyob hauv Iyiv. Mauxes tu siab uas cov Neeg Iyiv ua siab phem rau cov Neeg Ixayees thiab ua kom lawv ua qhev.

Muaj ib hnub Mauxes pom ib tug Neeg Iyiv ntaus ib tug Neeg Ixayees. Mauxes tiv thaiv tus Neeg Ixayees.

Thaum Falaus kawm txog qhov no, nws xav muab Mauxes tua, tiam sis Mauxes khiav tawm Iyiv mus.

Mauxes tau los rau ib qho chaw hu ua Midias, nyob ntawd nws ntsib ib tug poj niam hu ua Xipaulas. Nkawd sib yuav thiab muaj me nyuam.

Thaum nws nyob hauv Midias, Mauxes pom tsob ntoo kub hluav taws, tiam sis hluav taws tsis tau ua rau tsob ntoo kub hnyiab. Tus Tswv tshwm sim hauv hluav taws thiab hais lus rau Mauxes.

Tus Tswv hais tias Nws paub cov Neeg Ixayees raug txom nyem hauv Iyiv. Nws txib Mauxes rov qab mus rau Ixyiv thiab hais kom Falaus cia cov Neeg Ixayees dim mus. Tus Tswv hais tias Nws yuav pab Mauxes coj cov Neeg Ixayees khiav dim thiab coj lawv mus rau ib thaj av uas cog lus tseg.

Phab Ntawv Tha Xim

Kuv Ua Tau Siab Zoo rau Lwm tus Neeg

Cov duab los ntawm Audrey Day Tso cai rau kev siv hauv lub Koom Txoos xwb.

Koj yuav dab tsi lub lim tiam no kom ua siab zoo?