Si Moises nga Propeta

Si Moises nga nagasuksok sang biste sang isa ka Egiptohanon nga nagatan-aw sa isa ka Egiptohanon nga nagamaltrato sang ulipon nga Israelnon

Si Moises isa ka Israelnon, pero ginpadako sia sang anak nga babayi sang Faraon sa Egipto. Nagkasubo si Moises nga mapintas ang mga Egiptohanon sa mga Israelnon kag ginpanghimo sila mga ulipon.

Si Moises nga ginaagbayan ang isa ka ulipon nga Israelnon, nga ginaalalayan ini

Isa ka adlaw nakita ni Moises ang isa ka Egiptohanon nga ginasakit ang isa ka Israelnon. Ginpangapinan ni Moises ang Israelnon.

Si Moises nga nagaisahanon sa kamingawan (wilderness)

Sang matukiban ini ni Faraon, gusto niya nga patyon si Moises, pero nalagyo si Moises palayo sa Egipto.

Si Moises upod ang iya asawa kag kabataan

Nakalab-ot si Moises sa lugar nga gintawag Midian, sa diin nakilala niya ang babayi nga ang ngalan Zipora. Nagpakasal sila kag nakaangkon sang mga anak.

Si Moises nga nakita ang Ginuo sa nagakalayo nga tanom

Samtang nagaistar sa Midian, nakakita si Moises sang tanom nga nagakalayo, pero wala masunog sang kalayo ang tanom. Nagpakita ang Ginuo sa kalayo kag nakighambal kay Moises.

Ang Ginuo nagsiling nga nakahibalo Sia nga nagaantos ang mga Israelnon sa Egipto. Ginsugo Niya si Moises nga magbalik sa Egipto kag hambalon si Faraon nga buy-an ang mga Israelnon. Ang Ginuo nagsiling nga buligan Niya si Moises nga hilwayon ang mga Israelnon kag dal-on sila sa duta nga ginpanaad.

© 2026 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly The Friend Message, March 2026. Hiligaynon. 19938 861