Moses Nkɔnhyɛnyi no

Nna Moses yɛ Israelnyi, naaso Pharaoh ne babaa na ɔtsetse no wɔ Egypt. Moses no werɛ howee dɛ nna Egyptfo kyerɛ etsirmɔdzen wɔ Israelfo no do na wɔayɛ hɔn nkowaa.

Dakor bi, Moses hun dɛ Egyptnyi bi robɔbɔ Israelnyi bi. Moses bɔɔ Israelnyi no ho ban.

Ber a Pharaoh hun dza Moses yɛe no, nna ɔpɛ dɛ oku Moses, naaso Moses guanee fi Egypt.

Moses baa bea bi a wɔfrɛ no Midian, bea a ohyiaa ɔbaa bi a wɔfrɛ no Zipporah. Wɔwaree na wɔwoo mba.

Ber a nna ɔtse Midian no, Moses hun haban bi a ɔredzɛw, naaso ogya no annhyew haban no. Ewuradze puei ogya no mu na Ɔnye Moses kasaa.

Ewuradze kãa dɛ nna onyim dɛ Israelfo no ruhu amandze wɔ Egypt. Ɔhyɛɛ Moses dɛ ɔnkɔ Egypt na ɔnkã nkyerɛ Pharaoh dɛ ɔmma Israelfo no nkɔ. Ewuradze see dɛ Ɔbɔboa Moses ma ɔagye Israelfo no na oedzi hɔn kan akɔ bɔhyɛ asaase do.

Krataafa a Wɔkekã mu

Mubotum Ayɛ Ayamuyie ama Binom.

Audrey Day yɛɛ nsaano mfonyin no. Wobotum akope dze edzi dwuma wɔ Asɔr mu nko.

Ebɛnadze na ibotum ayɛ no dapɛn yi dze ayɛ ayɛmuyie?