Noah nge fare Barkow

Noah nge tabinaew roek ea karfolgad ku Samoel. Til kabay ea girdii’ ea karigel ea denen rorad. Samoel ea yoeg ku Noah nibay yib biyang i day nirrib gaq nge tharay e fayleng ni faqan ra fapi girdii’ ea dabir kalngan’ rad.

Noah ea yoeg ko fapi girdii’ ni Samoel ea ba adag rad ma ba adag ningar kalngan’ gad me mich u waen’rad Jesus Kristus. Madabir motoyil gad.

Me yoeg Samoel ngak Noah ninge toey bboch nibgaq ni kanoeg ea barkow ngay. Re barkow nem ea retay ayweg ea tabinaew ku Noah u napon fargi day nibgaq.

Tabinaew ku Noah ea kar feked ea ggan ngalanggin fare barkow. Me gagiyog nag Samoel gubin ea gamanman ni l’agrow u biyit ngaranoed ngak Noah me tayrad ngalanggin fare barkow. Me tabob i qaw ea n’uw.

Me qaw ea n’uw ni qaningeg i ragag ea rran nge qaningeg i ragag ea nep’ Me yib bangi rran nibgaq nge tharay ea fayleng, niwoed ni yoeg Samoel nira buch.

Tabinaew ku Noah nge gubin fapi gamanman u langgin fare barkow er gapesgad u daken ea rran.

Napon ni yaen fargi rran ngabut nge m’ay, me qaw fare barkow ngadaken ea but nib milik. Noah nge tabinaew roek ea raqoeged ea magar ku Samoel nifan nike yiroriy rad. Me micheg Samoel ni dabki tharay ea fayleng ko rran biyay. Kepi’ ba ragim nibe yipfan fare michmich Roek.

babiyor ni Yima Qachay

Motoyil ko Profet ku Samoel Era Tawa’ath Nigeg

Nike Drowing nag Audrey Day

Mange rayog ningam rin’ mag motoyil ko profet?