UNowa noMkhombe

Umzekeliso kaNowa nentsapho yakhe besalusa izimvu

UNowa nosapho lwakhe bayithobela iNkosi. Bonke abanye abantu babekhohlakele kakhulu. INkosi yamxelela uNowa ukuba isikhukula siya kugubungela umhlaba ukuba abantu abaguquki.

UNowa wafundisa abantu ukuba iNkosi yayibathanda kwaye yayifuna ukuba baguquke babenokholo kuYesu Krestu. Abazange bamamele.

INkosi yaxelela uNowa ukuba akhe inqanawe enkulu eyayibizwa ngokuba ngumkhombe. Umkhombe wawuya kugcina usapho lukaNowa lukhuselekile ngexesha lesikhukula.

Usapho lukaNowa lwazisa ukutya emkhombeni. INkosi yathumela ubuncinane izilwanyana ezimbini zazo zonke iintlobo ukuze uNowa azifake emkhombeni. Emva koko kwaqalisa ukunetha.

Kwanetha imvula kangangeentsuku ezingama-40 nobusuku obungama-40. Isikhukula sagubungela umhlaba, njengoko iNkosi yayilumkisile.

UNowa nentsapho yakhe bangaphakathi emkhombeni

Usapho lukaNowa kunye nazo zonke izilwanyana emkhombeni lwaye lwadada ngokukhuselekileyo emanzini.

Intsapho kaNowa nezilwanyana zazimi emhlabeni zijonge umnyama

Xa isikhukula sasiphelile, umkhombe waye wama kumhlaba owomileyo. UNowa nosapho lwakhe bayibulela iNkosi ngokubakhusela. INkosi yathembisa ukuba ayisokuze iphinde igcwalise umhlaba ngesikhukula kwakhona. Yathumela umgcamabala njengesikhumbuzo sesithembiso saYo.