Noa le Areka

Noa le lelwapa lwa gagwe ba ne ba obamela Morena. Batho ba bangwe botlhe ba ne ba le bosula thata. Morena o ne a bolelela Noa gore morwalela o ya go khurumetsa lefatshe fa batho ba sa ikwatlhaye.

Noa a bolelela batho gore Morena o a ba rata e bile o batla gore ba ikwatlhaye le go nna le tumelo mo go Jeso Keresete. Ba ne ba sa reetse.

Morena o ne a bolelela Noa gore a age sekepe se segolo se se bidiwang areka. Areka e ne e tlaa boloka lelwapa lwa ga Noa ka nako ya morwalela.

Lelwapa lwa ga Noa le ne la tsenya dijo mo arekeng. Morena o ne a romela diphologolo tsa mefuta yotlhe di le pedi go Noa gore a di tsenye mo arekeng. Ka jalo pula ya simolola go na.

Pula e nele malatsi a le 40 le masigo a le 40. Morwalela o ne wa khurumetsa lefatshe, fela jaaka Morena a ne a tlhagisitse.

Lelwapa lwa ga Noa le diphologolo tsotlhe tse di mo arekeng tsa kokobala ka pabalesego mo metsing.

Fa morwalela o sena go fela, areka e ne ya ema mo mmung o o omileng. Noa le lelwapa lwa gagwe ba ne ba lebogela Morena go ba babalela. Morena a solofetsa gore ga a kitla a tlhola a tlisa morwalela gape mo lefatsheng. O ne a romela motshe wa godimo e le segopotso sa tsholofetso ya Gagwe.

Tsebe ya go Taka

Go Sala Morago Moperofeti wa Morena Go Tlaa Ntshegofatsa

Setshwantsho ka Audrey Day

O ka dira eng go sala morago moperofeti?