Noa ’e te arata

’Ua ha’apa’o ’o Noa ’e tōna ’utuāfare i te parau a te Fatu. ’Ua ’ino roa te tahi atu mau ta’ata ato’a. ’Ua parau te Fatu ia Noa e tāpo’i te tīruvi i te fenua, ia ’ore te ta’ata e tātarahapa.

’Ua ha’api’i ’o Noa i te nūna’a ē, ’ua here te Fatu ia rātou ’e ’ua hina’aro ’oia ia rātou ’ia tātarahapa ’e ’ia roa’a te fa’aro’o ia Iesu Mesia. ’Aita rātou i fa’aro’o.

’Ua parau te Fatu ia Noa ’ia hāmani i te tahi pahī ’ā’ano tei pi’ihia te arata. ’Ua pāruru te arata i te ’utuāfare o Noa i te taime nō te tīruvi.

’Ua ’āfa’i te ’utuāfare o Noa i te mā’a i roto i te arata. ’Ua tono mai te Fatu e piti a’e ’ānimara i te mau huru ’ānimara ato’a, ’ia tu’u Noa ia rātou i roto i te arata. I muri iho ’ua ha’amata te ua.

’Ua ua e 40 mahana ’e e 40 pō. ’Ua tāpo’i te tīruvi i te fenua, mai tā te Fatu i fa’aara.

’Ua pāinu ataata ’ore noa te ’utuāfare o Noa ’e te mau ’ānimara ato’a nā ni’a i te arata i ni’a i te pape.

’Ia hope te tīruvi, ’ua iri te arata i ni’a i te fenua marō. Ua ha’amāuruuru ’o Noa ’e tōna ’utuāfare i te Fatu nō tōna pārurura’a ia rātou. ’Ua fafau te Fatu e’ita roa ’oia e tīruvi fa’ahou i te fenua. ’Ua tono mai ’oia i te ānuanua ’ei fa’aha’amana’ora’a i tāna fafaura’a.

ʼApi fa’a’ūraʼa

E ha’amaita’ihia vau ’ia pe’e au i te peropheta a te Fatu

Fa’ahōho’ara’a nā Audrey Day

E aha tā ’oe e rave nō te pe’e i te peropheta ?