නෝවා සහ නැව

නෝවා සහ ඔහුගේ පවුලේ අය ස්වාමින්වහන්සේට කීකරු වුණා. අනෙක් සියලු දෙනාම ඉතා දුෂ්ට මිනිසුන් වුණා. මිනිසුන් පසුතැවිලි නොවන්නේ නම්, ජලගැල්ම පොළොව වසා ගන්නා බව ස්වාමින්වහන්සේ නෝවාට පැවසුවා.

ස්වාමින්වහන්සේ එම මිනිසුන්ට ප්‍රේම කරන බවත්, ඔවුන් පසුතැවිලි වී යේසුස් ක්‍රිස්තුස්වහන්සේ කෙරෙහි ඇදහිල්ල තැබිය යුතු බවත් නෝවා ඔවුන්ට පැවසුවා. ඔවුන් සවන් දුන්නේ නැහැ.

විශාල නැවක් සාදන ලෙස ස්වාමින්වහන්සේ නෝවාට පැවසුවා. ජලගැල්ම අතරතුර නෝවාගේ පවුලේ අයව ආරක්ෂා කිරීමට මේ නැව උදව් වෙනවා.

නෝවාගේ පවුලේ අය නැවට ආහාර ගෙනාවා. ස්වාමින්වහන්සේ නෝවාට මේ නැව තුළට දැමීම සඳහා සෑම වර්ගයකම අවම වශයෙන් සතුන් දෙදෙනෙකු බැගින් යැව්වා. ඊට පස්සේ වහින්න පටන් ගත්තා.

දින 40ක් සහ රාත්‍රී 40ක් පුරා වැස්සා. ස්වාමින්වහන්සේ අනතුරු ඇඟවූ පරිදිම, ජලගැල්මක් පොළොව වසා ගත්තා.

නෝවාගේ පවුලේ අය සහ නැවේ සිටි සියලු සතුන් ආරක්ෂිතව ජලය මත පාවී ගියා.

ජලගැල්ම අවසන් වූ විට, නැව වියළි බිමකට ගියා. නෝවා සහ ඔහුගේ පවුලේ අය ඔවුන්ව ආරක්ෂා කිරීම ගැන ස්වාමින්වහන්සේට ස්තුති කළා. නැවත කිසිදා පොළොවට ගංවතුරක් නොඑන බවට ස්වාමින්වහන්සේ පොරොන්දු වුණා. උන්වහන්සේගේ පොරොන්දුව සිහිගැන්වීමක් ලෙස උන්වහන්සේ දේදුන්නක් එව්වා.

පාට කරන පිටුව

ස්වාමින්වහන්සේගේ අනාගතවක්තෘවරයාව අනුගමනය කිරීම මට ආශිර්වාද කරයි

ඕඩ්‍රි ඩේ විසින් නිදර්ශනය

අනාගතවක්තෘවරයාව අනුගමනය කිරීමට ඔබට කළ හැක්කේ කුමක් ද?