Noah me a Ark

Noah me a telungalek er ngii el olngesenges er a Rubak. A rokui el chad a mle medengerenger. A Rubak a dilu er a Noah el kmo a ieleb a mo ielebii a beluulechad alsekum me a rechad a diak el bolouchel a kngterir.

A Noah dilu er a rechad el kmo a Rubak a betik a rengul er tir e soal tir a bo louchel a kngterir e loumerang er a Jesus Kristo. Ng di tir a diak e lorrenges.

A Rubak a dilu er a Noah el mo melasech er a klou el diall el ngklel a ark. Tial ark a mo ngosuterir a telungalek er a Noah meng diak el metemall sel borngii a ieleb.

A telungalek er a Noah a melai a kall el mora ark. A Rubak a urrael a eru el bedengel a bek el charm el mora Noah el mo olsisebe er a elsel a ark. Seikid eng omechela el mocha rengii a chull.

Ng mla rengii a chull el okeua el klebesei me a okeua el kesus. A ieleb a mle ielebii a beluulechad, el di uaike el lulengelechel a Rubak.

A telungalek er a Noah me a rokui el charm el ngara chelsel a ark a ulemechakle el tabesul er a bebul a ralm.

Sera bol merek a ieleb, e tial ark a mlo tuab er a medirt el chutem. A Noah me a telungalek er ngii ulureng a sulel a Rubak el milsebechakl er tir. A Rubak a mle yaksok el diak el luut el ielebii a beluulechad. Ng uldureklii a orrekim el omelatk er a yaksok er Ngii.

Babier lousbech a Kurreong

Oltirakl er a Profet er a Rubak a Mo Omekngeltengat er Ngak

Sunga er a Audrey Day

Ngera ke mo rulii el mo oltirakl er a profet?