ໂນອາ ແລະ ເຮືອ

ຮູບພາບປະກອບຂອງໂນອາ ແລະ ຄອບຄົວຂອງເພິ່ນກຳລັງເຝົ້າຝູງແກະ

ໂນອາ ແລະ ຄອບຄົວຂອງເພິ່ນໄດ້ເຊື່ອຟັງພຣະຜູ້ເປັນເຈົ້າ. ຄົນອື່ນທັງໝົດຊົ່ວຮ້າຍຫລາຍທີ່ສຸດ. ພຣະຜູ້ເປັນເຈົ້າໄດ້ບອກໂນອາວ່າ ນ້ຳຈະຖ້ວມແຜ່ນດິນໂລກ ຖ້າຫາກຜູ້ຄົນບໍ່ກັບໃຈ.

ໂນອາໄດ້ບອກຜູ້ຄົນວ່າພຣະຜູ້ເປັນເຈົ້າຮັກພວກເຂົາ ແລະ ປະສົງໃຫ້ພວກເຂົາກັບໃຈ ແລະ ມີສັດທາໃນພຣະເຢຊູຄຣິດ. ພວກເຂົາບໍ່ໄດ້ເຊື່ອຟັງ.

ພຣະຜູ້ເປັນເຈົ້າໄດ້ບອກໂນອາໃຫ້ສ້າງເຮືອລຳໃຫຍ່. ເຮືອນັ້ນຈະຮັກສາຄອບຄົວຂອງໂນອາໃຫ້ປອດໄພໃນລະຫວ່າງນ້ຳຖ້ວມ.

ຄອບຄົວຂອງໂນອາໄດ້ນຳອາຫານເຂົ້າເຮືອ. ພຣະຜູ້ເປັນເຈົ້າໄດ້ສົ່ງສັດທຸກຊະນິດຢ່າງໜ້ອຍສອງໂຕ ເພື່ອໃຫ້ໂນອາໃສ່ໄວ້ໃນເຮືອ. ແລ້ວຝົນໄດ້ເລີ່ມຕົກລົງມາ.

ຝົນຕົກເປັນເວລາ 40 ມື້ ແລະ 40 ຄືນ. ນ້ຳໄດ້ຖ້ວມແຜ່ນດິນໂລກ, ດັ່ງທີ່ພຣະຜູ້ເປັນເຈົ້າໄດ້ເຕືອນ.

ຄອບຄົວຂອງໂນອາ ແລະ ສັດສາວາສິ່ງທັງໝົດຢູ່ໃນເຮືອຢ່າງປອດໄພ ຢູ່ເທິງນ້ຳ.

ຄອບຄົວຂອງໂນອາ ແລະ ສັດສາວາສິ່ງກຳລັງຢືນຢູ່ເທິງແຜ່ນດິນ ແລະ ກຳລັງຫລຽວເບິ່ງຮຸ້ງກິນນ້ຳ

ເມື່ອນ້ຳຖ້ວມໄດ້ສິ້ນສຸດລົງ, ເຮືອກໍຢຸດຢູ່ເທິງດິນແຫ້ງ. ໂນອາ ແລະ ຄອບຄົວຂອງເພິ່ນຂອບພຣະໄທພຣະຜູ້ເປັນເຈົ້າທີ່ໄດ້ປົກປັກຮັກສາພວກເພິ່ນ. ພຣະຜູ້ເປັນເຈົ້າໄດ້ສັນຍາວ່າ ຈະບໍ່ໃຫ້ນ້ຳຖ້ວມໂລກອີກ. ພຣະອົງໄດ້ສົ່ງຮຸ້ງກິນນ້ຳມາ ເພື່ອເຕືອນເຮົາເຖິງຄຳສັນຍາຂອງພຣະອົງ.

© 2026 by Intellectual Reserve, Inc. All rights reserved. ຈັດພິມໃນສະຫະລັດອາເມຣິກາ. ສະບັບເປັນພາສາອັງກິດໄດ້ຮັບອະນຸຍາດ: 6/19. ການແປໄດ້ຮັບອະນຸຍາດ: 6/19. ແປຈາກ Monthly Friend Message, February 2026. Laotian. 19927 331