« ណូអេ និងទូកធំ » ប្រិយមិត្ត ខែកុម្ភៈ ឆ្នាំ២០២៦ ទំព័រ ៤៦–៤៨ ។
សារលិខិតប្រចាំខែទស្សនាវដ្ដី ប្រិយមិត្ត ខែកុម្ភៈ ឆ្នាំ២០២៦
ណូអេ និងទូកធំ
ណូអេ និងគ្រួសាររបស់លោកបានគោរពតាមព្រះអម្ចាស់ ។ មនុស្សផ្សេងទៀតសុទ្ធតែទុច្ចរិតទាំងអស់ ។ ព្រះអម្ចាស់បានមានបន្ទូលទៅណូអេថា ទឹកជំនន់នឹងគ្របដណ្តប់លើផែនដី ប្រសិនបើប្រជាជនមិនប្រែចិត្តទេ ។
ណូអេបានប្រាប់ប្រជាជនថា ព្រះអម្ចាស់ស្រឡាញ់ពួកគេ ហើយមានព្រះទ័យចង់ឲ្យពួកគេប្រែចិត្ត ហើយមានសេចក្ដីជំនឿលើព្រះយេស៊ូវគ្រីស្ទ ។ ពួកគេពុំស្តាប់តាមឡើយ ។
ព្រះអម្ចាស់បានមានបន្ទូលប្រាប់ណូអេឲ្យសាងសង់សំពៅធំមួយហៅថាទូកធំ ។ ទូកធំនេះនឹងរក្សាក្រុមគ្រួសាររបស់ណូអេ ឲ្យរួចផុតពីទឹកជំនន់ ។
គ្រួសាររបស់ណូអេបាននាំយកអាហារចូលទៅក្នុងទូកធំនេះ ។ ព្រះអម្ចាស់បានបញ្ជូនសត្វពីអំបូរមួយៗយ៉ាងហោចណាស់ពីរក្បាលសម្រាប់ឲ្យណូអេដាក់នៅខាងក្នុងទូកធំ ។ បន្ទាប់មកមេឃបានចាប់ផ្តើមភ្លៀង ។
មេឃបានភ្លៀងអស់រយៈពេល៤០ថ្ងៃ និង៤០យប់ ។ ទឹកជំនន់បានគ្របដណ្តប់លើផែនដីដូចដែលព្រះអម្ចាស់បានព្រមាន ។
គ្រួសាររបស់ណូអេ និងសត្វទាំងពួងនៅក្នុងទូកធំបានអណ្តែតលើទឹកដោយសុវត្ថិភាព ។
នៅពេលឈប់មានទឹកជំនន់ ទូកធំនេះបានចតនៅលើដីគោក ។ ណូអេ និងគ្រួសាររបស់លោកបានអរព្រះគុណព្រះអម្ចាស់សម្រាប់ការការពារពួកគេ ។ ព្រះអម្ចាស់បានសន្យាថានឹងមិនឲ្យមានទឹកជំនន់នៅលើផែនដីម្តងទៀតឡើយ ។ ទ្រង់បានបញ្ជូនឥន្ទធនូមកដើម្បីជាការរំឭកដល់សេចក្តីសន្យារបស់ទ្រង់ ។
ទំព័រផាត់ពណ៌
ការធ្វើតាមព្យាការីរបស់ព្រះអម្ចាស់នឹងប្រទានពរដល់ខ្ញុំ
រចនារូបភាពដោយ អូឌ្រី ដេយ
តើអ្នកអាចធ្វើអ្វីខ្លះដើម្បីធ្វើតាមព្យាការី ?
© ឆ្នាំ២០២៦ ដោយ Intellectual Reserve, Inc. All rights reserved. បោះពុម្ពនៅ ស.រ.អា. ។ ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖ ៦/១៩ ។ ការបកប្រែនៃ Monthly Friend Message, February 2026 ។ Cambodian. 19927 258