Ni Noe ken ti Daong

Nagtungpal iti Apo ni Noe ken ti pamiliana. Nadangkes unay ti amin a dadduma pay a tao. Imbaga ti Apo ken ni Noe a malapunosto ti daga iti layus no saan nga agbabawi dagiti tao.

Imbaga ni Noe kadagiti tao nga ay-ayaten ida ti Apo ken kayatna nga agbabawida ken maaddaanda iti pammati ken ni Jesucristo. Saanda a dumngeg.

Imbaga ti Apo ken ni Noe a mangbangon iti maysa a dakkel a bapor a maawagan iti daong. Ti daong ti mangpatalinaed a natalged ti pamilia ni Noe kabayatan ti layus.

Nangala ti pamilia ni Noe iti taraon iti daong. Nangibaon ti Apo iti dua laeng nga ayup ti tunggal kita tapno ikabil ni Noe iti uneg ti daong. Kalpasanna, nangrugin nga agtudo.

Nagtudo iti 40 nga aldaw ken 40 a rabii. Maysa a layus ti nanglapunos iti daga, kas iti impakdaar ti Apo.

Sitatalged a nagtapaw iti rabaw ti danum ti pamilia ni Noe ken ti amin nga ayup iti daong.

Idi naggibus ti layus, nagdisso ti daong iti namaga a daga. Nagyaman ni Noe ken ti pamiliana iti Apo gapu iti panangsalaknibna kadakuada. Inkari ti Apo a dinanton pulos paglayusen pay ti daga. Imbaonna ti maysa a bullalayaw kas maysa a pammallagip iti karina.

Panid ti Panagkolor

Ti Panangsurot iti Propeta ti Apo ti Mangbendisionto Kaniak

Panangiladawan ni Audrey Day

Ania ti mabalinmo nga aramiden tapno masurotmo ti propeta?