Nau-as thiab lub Nkoj

Nau-as thiab nws tsev neeg ua li tus Tswv hais. Tag nrho lwm tus neeg ua phem. Tus Tswv qhia Nau-as tias dej yuav nyab tag nrho lub ntiaj teb yog tias cov tib neeg tsis hloov siab lees txim.

Nau-as qhia cov neeg tias tus Tswv hlub lawv thiab xav kom lawv hloov siab lees txim thiab muaj kev ntseeg Yexus Khetos. Lawv tsis kam mloog.

Tus Tswv hais kom Nau-as ua ib lub nkoj loj loj. Lub nkoj ntawd yuav pab Nau-as thiab nws tsev neeg nyab xeeb thaum dej nyab lub ntiaj teb.

Nau-as tsev neeg nqa zaub mov rau hauv lub nkoj. Tus Tswv xa ob tug ntawm txhua hom tsiaj txhu rau Nau-as kom muab coj los hauv lub nkoj. Ces pib los nag.

Los nag rau 40 hnub thiab 40 hmo. Dej nyab tag nrho lub ntiaj teb, ib yam li tus Tswv tau ceeb toom.

Nau-as tsev neeg thiab tag nrho cov tsiaj nyob hauv lub nkoj uas ntab ntawm dej.

Thaum dej nyab tas, lub nkoj tau tsaws ntawm thaj av. Nau-as thiab nws tsev neeg ua Vajtswv tsaug vim Nws pov hwm lawv. Tus Tswv cog lus tias dej yuav tsis nyab lub ntiaj teb ntxiv lawm. Nws xa ib tug zaj sawv kom nco qab txog Nws tej lus cog tseg.

Phab Ntawv Tha Xim

Kuv Yuav Tau Koob Hmoov Thaum Kuv Ua Raws Li tus Tswv tus Yaj Saub

Daim duab los ntawm Audrey Day

Koj yuav ua dab tsi kom ua raws li tus yaj saub?