Si Noe kag ang Arka

Si Noe kag ang iya pamilya nagtuman sa Ginuo. Ang tanan nga iban nga tawo mga malain kaayo. Ginhambalan sang Ginuo si Noe nga may baha nga magatabon sa kalibutan kon indi maghinulsol ang mga tawo.

Ginhambalan ni Noe ang mga tawo nga palangga sila sang Ginuo kag gusto Niya nga maghinulsol sila kag mag-angkon sang pagtuo kay Jesucristo. Indi sila magpamati.

Ginhambalan sang Ginuo si Noe nga maghimo sang dako nga barko nga ginatawag nga arka. Ang arka ang magaamlig sa pamilya ni Noe sa tion sang pagbaha.

Nagdala ang pamilya ni Noe sang mga pagkaon sa sulod sang arka. Nagpadala ang Ginuo sang duha sa kada klase sang sapat nga ibutang ni Noe sa sulod sang arka. Dayon nagsugod nga mag-ulan.

Nag-ulan sing 40 ka adlaw kag 40 ka gab-i. Gintabunan sang baha ang duta, suno sa ginpaandam sang Ginuo.

Nagpalutaw-lutaw nga luwas sa tubig ang pamilya ni Noe kag ang tanan nga sapat sa arka.

Sang matapos ang baha, nagdungka ang arka sa mala nga duta. Si Noe kag ang iya pamilya nagpasalamat sa Ginuo sa pagprotekta sa ila. Nagpromisa ang Ginuo nga indi na pagpabahaan liwat ang duta. Nagpadala Sia sang balangaw bilang pahanumdom sang Iya promisa.

Ginakoloran nga Pahina

Ang Pagsunod sa Propeta sang Ginuo Magabugay sa Akon

Drowing ni Audrey Day

Ano ang pwede mo himuon para sundon ang propeta?