>Noa ao te Aake

<sub></sub>Kamatataan tamnein Noa ao ana utu ngke a tararuaia tiibu

Noa ma ana utu a ongotaeka iroun te Uea. Ni kabane aomata ake tabeman a rang ni buakaka. Te Uea e tuanga Noa bwa te ieka e na rabuna aon te aba ngkana aki rairi nanoia aomata.

Noa e reireiniia aomata bwa te Uea e tangiriia ao e tangiria bwa a na rairi nanoia ao n iai aia onimaki iroun Iesu Kristo. A rawa ni kan ongo.

Noa ma ana utu a katea te aake<sub></sub>.

Te Uea e tuanga Noa bwa e na kabaa te kaibuke ae bubura ae aranaki bwa te aake. Te aake e na kawakiniia ana utu Noa ni kamanoia man te ieka.

Maan ngke a nakonako i aon te aa<sub></sub>ke

Ana utu Noa a uoti amwarake nako nanon te aake. Te Uea e kanakoia kaka uoman maan n aekaia nako nakon Nooa bwa a na rin inanon te aake Ngkanne e a moanna ni bwaka te karau.

E a beibeti te aa<sub></sub>ke i aon taari

E kakarau inanon 4o te bong ao 40 te ngaina. E a taonaki aon te aba n te ieka n aron are e anga ana kauring te Uea iai.

Noa ma an<sub></sub>a utu a ongotaeka iroun te Uea.

Ana utu Noa ao maan n aekaia ni kabane inanon te aake a beibeti ni kamanoaki iaon te ran.

<sub></sub>A tei i aon te aba Noa ma ana utu ao a taraa neiwiraara.

Ngke e a toki te ieka, te aake e tiku iaon te tano ae mwau. A kaitaua te Uea ibukin kamanoakiia Noa ma ana utu. Te Uea e berita bwa e na aki manga roko te ieka iaon te aba. E katea nei wirara bwa te kauring n Ana berita.

© 2026 by Intellectual Reserve, Inc. All rights reserved. Boretiaki i USA. Kariaiakaki te Ingiriti: 6/19. Kariaiakaki rairana: 6/19. Rairan te Monthly Friend Message, February 2026. 19927 859Kiribati. 19927 859