O Noa kei na Waqa.

E ratou a talairawarawa vua na Turaga o Noa kei na nona matavuvale. Era sa ca sara na tamata tani kecega. E tukuna vei Noa na Turaga ni na roboti vuravura na waluvu kevaka era sega ni veivutuni na tamata.

E kaya o Noa vei ira na tamata ni sa lomani ira na Turaga ka vinakata mera veivutuni ka vakabauti Jisu Karisito. Era sega ni via vakarorogo.

E kaya na Turaga vei Noa me taya e dua na ilelele levu sa vakatokai me waqa. Na waqa oqo ena maroroya na matavuvale nei Noa ena gauna ni waluvu.

Era kau kakana mai na matavuvale nei Noa ki waqa. A tala na Turaga e rua na manumanu ena kena veimataqali kece me laki biuta e loma ni waqa o Noa. Sa qai tekivu me tau na uca.

A tau na uca me 40 na siga ka 40 na bogi. Na waluvu sa qai ubi vuravura, me vaka ga sa vakarota na Turaga.

Era sa tiko na matavuvale nei Noa kei na manumanu kecega ena waqa ka ciri taqomaki tu e wai.

Ni sa oti na waluvu, sa kele yani na waqa ena vanua mamaca. E ratou a vakavinavinakataka na Turaga o Noa kei na nona matavuvale ena Nona taqomaki iratou. Sa yalataka na Turaga ni na sega tale ni luvuca na vuravura. E vakauta mai e dua na drodrolagi me ivakananumi ni Nona yalayala.

Draunipepa ni Rokarokataki

Niu Vakamuria na Parofita ni Turaga ena Vakalougatataki Au

Droini mai vei Audrey Day

Na cava mo na cakava mo muria kina na parofita?