Noah na Adaka Hɛn no

Noah na n’ebusua yɛɛ setsie maa Ewuradze. Nna nkorɔfo nkaa no nyina yɛ emumuyɛfo. Ewuradze kãa kyerɛ Noah dɛ nsuyirii bɛkata asaase do sɛ nkorɔfo no ennu hɔn ho a.

Noah kãa kyerɛ nkorɔfo no dɛ Ewuradze dɔ hɔn na Ɔpɛ dɛ wonu hɔnho na na wonya gyedzi wɔ Jesus Christ mu. Woenntsie.

Ewuradze kãa kyerɛ Noah dɛ ɔmpam adaka hɛn kɛsenara. Adaka hɛn no bɔbɔ Noah n’ebusua ho ban nsuyirii mber no.

Noah n’ebusua dze edziban kɔr adaka hɛn no mu. Ewuradze somaa mbowa ahorow ebien ebien ma Noah dze guu adaka hɛn no mu. Afei nsu hyɛɛ ase dɛ ɔrotɔ.

Nsu tɔree adaduanan adzekyee nye adzesaa. Nsuyirii kataa asaase no do, dɛ mbrɛ Ewuradze bɔɔ ho kɔkɔ no.

Noah n’ebusua na mbowa no nyina a wɔwɔ adaka hɛn no mu no tsɛw nsu n’enyi dwudwoodwo.

Ber a nsuyirii no do twaa no, adaka hɛn no sii asaase kɛsɛɛ do. Noah na n’ebusua daa Ewuradze ase dɛ Ɔabɔ hɔn ho ban. Ewuradze bɔɔ anohoba dɛ ɔnnkɛfa nsuyirii asɛɛ asaase bio. Ɔdze nyankontɔn bew sor ma ɔayɛ nkaadze wɔ N’anohoba ho.

Krataafa a Wɔkekã mu

Mereka Ewuradze no nkɔnhyɛnyi do no behyira Me

Audrey Day yɛɛ nsaano mfonyin no

Ebɛnadze na ibotum ayɛ dze akã nkɔnhyɛnyi no do?