Noa mo Ak

Noa mo famli blong hem oli obei long Lod. Evri nara pipol oli fulap long rabis fasin. Lod i talem long Noa se bae wan bigfala wota i kavremap ful wol ia sapos ol pipol oli no sakem sin.

Noa i tijim ol pipol se Lod i lavem olgeta mo i wantem olgeta blong sakem sin mo gat fet long Jisas Kraes. Oli no wantem lisin.

Lod i talem long Noa blong bildim wan bigfala sip we oli singaotem wan ak. Ak ia bae i kipim Noa mo famli blong hem i sef long taem blong bigfala wota ia.

Famli blong Noa i karem kaekae i go insaed long ak. Lod i sendem tu animol blong evri kaen i go blong Noa i putum insaed long ak. Afta, i stat blong ren.

I bin ren blong 40 dei mo 40 naet. Wota i kavremap graon olsem we Lod i bin wonem.

Famli blong Noa mo evri animol insaed long ak oli flot sef long wota.

Taem bigfala wota we i kavremap graon i finis, ak i sidaon i stap long drae graon. Noa mo famli blong hem i talem tangkyu long Lod blong protektem olgeta. Lod i promes blong neva mekem bigfala wota i kavremap wol bakegen. Hem i sendem wan renbo olsem wan rimaenda blong promes blong Hem.

Pej blong Kala

Blong stap folem profet blong Lod, bae i blesem mi.

Pikja droing i kam long Audrey Day

?Wanem nao yu save mekem blong folem Profet?