Adama naEva

Adama naEva ndivo vaiva vokutanga vevana vaBaba Vokudenga kugara panyika. Vaigara muBindu reEdeni.

Mwari vakavabvumira kudya michero yemiti yose kunze kwemumwechete. Kana vakadya kubva mumuti weruzivo rwezvakanaka nezvakaipa, vaizofanira kubuda mubindu iri uye pokupedzisira vaizofa. Asi Satani akavanyepera. Akati kana vakadya muchero uyu, vaizoziva zvakanaka nezvakaipa asi havaizofa.

Eva achitanha muchero wemuti weruzivo rwezvakanaka nezvakaipa

Eva akasarudza kudya muchero wacho.

Maoko aEva achitambidza muchero mumaoko aAdama

Zvino akapa Adama mumwe wemuchero. Iyewo akasarudza kuudya.

Adama naEva wachivanda mumagwenzi apo Baba Vokudenga naJesu Kristu pavakauya

Mwari naJesu Kristu vakavashanyira, asi Adama naEva vakatya uye vakavanda. Mwari vakabvunza kana vakanga vadya muchero kubva mumuti.

Adama naEva vakapfeka nguwo dzedehwe uye vachibuda muBindu reEdeni

Adama naEva vakati vakadya muchero. Zvino vaifanira kubuda muBindu reEdeni. Asi Mwari vakanga vane chirongwa navo. Zvino vaiva voziva chakarurama kubva kune chisakarurama uye vaiva vokwanisa kuva nevana.

Adama naEva vakavimbisa kuteerera mirairo yaMwari. Vakadzidza zvakawanda pamusoro peMwanakomana waMwari, Jesu Kristu. Vakafara nokuti Aizobatsira mhuri yavo kudzokera kuna Mwari.