Adam me a Eva

A Adam me a Eva a mle kot el ngelekel a Demad ra Babeluades el mle kiei er a beluulechad. Te mle kiei er a Sers er a Eden.

A Dios a milchititerir me te menga rodech er a bekl el kerrekar ngdi imong a diak. Alsekum mete kolii sel kerrekar ra mo medengelii a ungil ma mekngit, eng mla mo kirir el tuobed er sel sers e di merael mo mad. Ngdi a Diablong a ulemulak er tir. Ng diluu alsekum mete kolii sel rodech, e te medengelii a ungil ra mekngit ngdi diak el mad.

A Eva a mengib ra rodech er sel kerrekar ra mo medengelii a ungil ma mekngit.

A Eva a mililt el mo mengang er sel rodech.

Chimal a Eva el loldars er a rodech el mora chimal a Adam

E ngii a mocha omsang a Adam a bebil ra rodech. Ng millilt el mo menga er ngii.

Adam ma Eva omart er tir ra ikrel a dellomel ra beldum a Demad ra Babeluades ma Jesus Kristo

A Dios ma Jesus Kristo a mle oldingel er tir, ngdi Adam ma Eva a mle medakt me tulmart er tir. A Dios a uleker el kmo te mla kolii a rdechel sel kerrekar.

Adam ma Eva a oubail a budel a charm e tilobed er a Sers ra Eden

Adam ma Eva a melekoi el kmo te kelii sel rodech. Chelechang eng kirir el tuobed er sel Sers ra Eden. Ngdi Dios a mla rengii a uldesuel el kirir. Chelechang e te mla mo medengelii a melmalt me a chelebirukel e sebecherir loungalk.

A Adam me a Eva lobengterir a rengelekir

A Adam ma Eva a tilbir el mo oltirakl a llechul a Dios. Te liluut el mesuub a betok el kirel a Ngelekel a Dios el, Jesus Kristo. Te mle tmeu a rengrir leng Ngii a molngeseu ra telungalk er tir el lemuut el mora Dios.