Da Adan ken Eva

Da Adan ken Eva ti immuna nga annak ti Nailangitan nga Ama a nagnaed ditoy daga. Nagnaedda iti Minuyongan ti Eden.

Impalubos ti Dios a manganda iti bunga ti tunggal kayo malaksid iti maysa. No manganda iti bunga ti kayo ti pannakaammo iti naimbag ken dakes, nasken a pumanawda iti minuyongan ket mataydanto iti kamaudianan. Ngem nagulbod ni Satanas kadakuada. Kinunana a no manganda iti bunga, ammodanto ti naimbag manipud iti dakes ngem saandanto a matay.

Pinili ni Eva a mangan iti bunga.

Kalpasanna inikkanna ni Adan iti sumagmamano a bunga. Pinilina met ti mangan iti daytoy.

Sinarungkaran ida ti Dios ken ni Jesucristo, ngem nagbuteng ken naglemmeng da Adan ken Eva. Sinaludsod ti Dios no nanganda iti bunga manipud iti kayo.

Kinuna da Adan ken Eva iti Dios a nanganda iti bunga. Ita nasken a panawanda ti Minuyongan ti Eden. Ngem adda maysa a plano ti Dios para kadakuada. Ita ammodan ti umno manipud iti biddut ken mabalindan ti maaddaan iti annak.

Inkari da Adan ken Eva ti agtungpal kadagiti bilin ti Dios. Nasursuroda ti ad-adu pay maipapan iti Anak ti Dios a ni Jesucristo. Naragsakda gapu ta Isu ti mangtulong iti pamiliada nga agsubli iti Dios.

Panid ti Panagkolor

Pinarsua ni Jesus ti Daga

Panangiladawan ni Audrey Day

Ania dagiti paboritom a banag a pinarsua ni Jesucristo?