Adas thiab Evas

Adas thiab Evas yog thawj ob tug ntawm Leej Txiv Saum Ntuj Ceeb Tsheej cov me nyuam uas tau los rau hauv lub ntiaj teb. Nkawd nyob hauv lub Vaj Edees.

Vajtswv tau cia nkawd noj cov txiv ntawm txhua tus ntoo tshuav ib tug ntoo xwb. Yog nkawd noj cov txiv ntawm tus ntoo ntawm kev paub qhov zoo thiab qhov phem, ces nkawd yuav tsum tawm lub vaj mus thiab thaum kawg yuav tuag. Tiam sis Dab Ntxwg Nyoog dag nkawd. Nws hais tias yog nkawd noj cov txiv, nkawd yuav paub qhov zoo thiab qhov phem tiam sis nkawd yuav tsis tuag.

Evas tau xaiv noj cov txiv.

Ces nws muab ib lub txiv rau Adas noj. Nws kuj xaiv kom noj lub txiv ntawd.

Vajtswv thiab Yexus Khetos tuaj xyuas nkawd, tiam sis Adas thiab Evas ntshai thiab mus nkaum. Vajtswv nug seb nkawd puas tau noj cov txiv ntawm tus ntoo ntawd.

Adas thiab Evas hais tias nkawd tau noj cov txiv ntawd. Yog li ntawd nkawd yuav tsum tawm lub Vaj Edees mus. Tiam sis Vajtswv muaj ib txoj hau kev rau nkawd. Nkawd paub qhov yog thiab qhov tsis yog lawm thiab nkawd muaj taus me nyuam.

Adas thiab Evas cog lus tias nkawd yuav ua raws li Vajtswv cov lus txib. Nkawd kawm ntxiv txog Vajtswv Leej Tub, Yexus Khetos. Nkawd zoo siab vim Nws yuav pab nkawd tsev neeg rov qab mus cuag Vajtswv.

Phab Ntawv Tha Xim

Yexus Tsim lub Ntiaj Teb

Daim duab los ntawm Audrey Day

Tej yam uas Yexus Khetos tsim yog tej uas koj nyiam tshaj?