Si Adan kag si Eva

Si Adan kag si Eva amo ang una nga mga anak sang Amay nga Langitnon nga nag-istar sa kalibutan. Nag-istar sila sa Hardin sang Eden.

Ginpasugtan sila sang Dios nga kaunon ang prutas sang tanan nga kahoy magluwas sa isa. Kon magkaon sila halin sa kahoy sang ihibalo sang maayo kag malain, kinahanglan nila nga maghalin sa Hardin sang Eden kag sa ulihi mapatay. Pero nagbutig si Satanas sa ila. Siling niya nga kon kaunon nila ang prutas, mahibal-an nila ang maayo kag malain pero indi sila mapatay.

Si Eva nga nagapuksi sang prutas halin sa kahoy sang ihibalo sang maayo kag malain

Ginpili ni Eva nga magkaon sang prutas.

Mga kamot ni Eva nga nagapasa sang prutas sa mga kamot ni Adan

Dayon ginhatagan niya si Adan sang prutas. Ginpili man niya nga kaunon ini.

Si Adan kag si Eva nga nagapanago sa mga tanom sang nagpakita ang Amay nga Langitnon kag si Jesucristo

Nagbisita sa ila ang Dios kag si Jesucristo, pero nahadlok si Adan kag Eva kag nagpanago. Ang Dios namangkot kon nagkaon sila sang prutas halin sa kahoy.

SI Adan kag si Eva nga nagasuksok sang mga bayo nga panit (sang mga sapat) kag nagabiya sang Hardin sang Eden

Si Adan kag si Eva nagsiling nga nagkaon sila sang prutas. Karon, kinahanglan nila nga maghalin sa Hardin sang Eden. Pero ang Dios may plano para sa ila. Nahibaloan na nila ang malain sa maayo kag mahimo na sila nga makaangkon sang mga anak.

Si Adan kag si Eva nga upod ang ila pamilya

Si Adan kag si Eva nagpromisa nga himuon ang mga kasugoan sang Dios. Mas nakatuon pa gid sila parte sa Anak sang Dios nga si Jesucristo. Nalipay sila tungod buligan Niya ang ila pamilya nga makabalik sa Dios.

© 2026 iya sang Intellectual Reserve, Inc. All rights reserved. Gin-imprinta sa Pilipinas. Petsa sang pagtugot sa Ingles: 6/19. Petsa sang pagtugot sa paglubad: 6/19. Paglubad sang Monthly Friend Message, January 2026. Hiligaynon. 19919 861