Adan ak Èv

Adan ak Èv sete premye pitit Papa nou ki nan Syèl la ki te viv sou tè a. Yo te viv nan jaden Edèn nan.

Bondye te kite yo manje fwi nan tout pyebwa yo sof youn. Si yo te manje fwi nan pyebwa konesans byen ak mal la, yo t ap gen pou yo te kite jaden an epi yo t ap fini pa mouri. Men, Satan te ba yo manti. Li te di yo si yo te manje fwi a, yo t ap konnen byen ak mal, men yo pa t ap mouri.

Èv k ap keyi yon fwi nan pyebwa konesans byen ak mal la

Èv te chwazi manje fwi a.

Apresa li te bay Adan yon moso nan fwi a. Adan te chwazi manje l tou.

Adan ak Èv ki kache nan toufbwa a lè Papa nou ki nan Syèl la ak Jezikri parèt

Bondye ak Jezikri te vizite yo, men Adan ak Èv te pè epi yo t al kache. Bondye te mande si yo te manje fwi nan pyebwa a.

Adan ak Èv ki mete rad ki fèt ak po bèt epi y ap kite Jaden Edèn nan

Adan ak Èv te di ke yo te manje fwi a. Kounyea, yo te oblije kite Jaden Edèn nan. Men, Bondye te gen yon plan pou yo. Kounyea, yo te konnen byen ak mal epi yo te kapab fè pitit.

Adan ak Èv te pwomèt pou yo obeyi tout kòmandman Bondye yo. Yo te aprann plis bagay konsènan Pitit Gason Bondye a, Jezikri. Yo te kontan paske Li t ap ede fanmi yo retounen al jwenn Bondye.

© 2026 pa Intellectual Reserve, Inc. All rights reserved. Enprime nan Etazini Damerik. Apwobasyon anglè: 6/19. Apwobasyon tradiksyon: 6/19. Tradiksyon Monthly Friend Message, January 2026. Haitian. 19919 036