Adam na Eve

Adam na Eve nye Nyankopɔn ne sunsum mu mba a wodzii kan baa asaase do. Wɔtsenaa Eden Ture no mu.

Nyankopɔn maa wodzii dua biara n’eduaba gyedɛ kor bi. Sɛ wodzi papa na bɔn ho nyimdzee dua no a, otwar dɛ wofi ture no mu na ewiei koraa no wowu. Mbom, Satan dzii ator kyerɛ hɔn. Ɔkaa dɛ sɛ wodzi eduaba no a, wobohu papa fi bɔn ho naaso worunnwu.

Eve saan mu yii dɛ obedzi eduaba no.

Na ɔmaa Adam eduaba no bi. Ɔno so saan mu yii dɛ obedzi.

Nyankopɔn na Jesus Christ kɛseraa hɔn, naaso nna Adam na Eve suro ntsi wokosumae. Nyankopɔn bisaa sɛ woedzi dua no n’eduaba no bi.

Adam na Eve kaa dɛ wodzii eduaba no. Sesei otwar dɛ wofi Eden Ture no mu. Naaso nna Nyankopɔn wɔ nhyehyɛɛ bi ma hɔn. Sesei nna wonyim papa fi bɔn ho na wobotum awo mba.

Adam na Eve hyɛɛ bɔ dɛ wɔbɛyɛ setsie ama Nyankopɔn ne mbrasɛm. Wosũa pii fã Nyankopɔn ne ba Jesus Christ ho. Hɔn enyi gyee osiandɛ Ɔbɔboa hɔn ebusuafo ma wɔasan aba Nyankopɔn nkyɛn.

Krataafa a Wɔkekã mu

Jesus bɔɔ asaase no

Audrey Day yɛɛ nsaano mfonyin no

Ebɛn ndzɛmba a w’enyi gye ho paa na Jesus Christ bɔe?