Fapi Choenggin e Galasia e Ranoed ko Ngal

Tomuren nike yim’ Joseph Smith, Brigham Young nge boech fapi Apostle era powi’iyed e Galasia. Brigham e manang ni fapi Choenggin e Galasia e bat’uf ningar chuwgad u Nauvoo nibchane da’anki mangil. Machane somm’on e ba adag Somoel ningar toeyed fare temple ngem’ay.

Napon ni m’ay i toey fare temple, bukun mir’ay Choenggin e Galasia er ngongliyed bugi m’ag ngak Got min m’ag ngan chagiyrad ko fapi tabinaew rorad.

Chiney e ketaw nganpon ningar tabob niged e milekag rorad ko ngal. Fare yifang e bagarbeb, me girdii’ e kan m’ar ma kan k’iy.

Me mebil Brigham ngening e ayuw. Me ga’ar Samoel e ngar aywegedyad, ma biyi taw’ath nagrad me aywegrad.

Fare milekag e ri kab gel e momaw’ riy. Boech e girdii’ e yim’. Machane bachan fapi m’ag rorad u temple, fapi Choenggin e Galasia e yad manang ni yadra guy girdii’en e tabinaew rorad biyay.

Tin somm’on fapi Choenggin e Galasia nikar tawgad ngalan fare Valley u Salt Lake ko 1847. Uroy e gin nrayog ni ngar liyoer gad ngak Somoel riy ma rayog ni ngar rrin’ed e muruwel Rok u fithik e gapas.

Fapi duw nike yan, e bo’or Choenggin e Galasia nikeyib i paer makir toeyed boech e temple. Pi tamachib e yadbe milekag i yaen u dakean e fayleng ni ngar machib niged e gospel ku Yesus Kristus. Fare Galasia roek fare Tathapeg e kube ulul i yean, nibe taw’ath nag pifak e Chitamngiy nu Tharmiy u gubin yang.

Babiyor ni yima Qachay

I Ir fare Tamilang, fare Yafos, nge fare Athap ko Fayleng

I ngongliy Corey Egbert

Mange gamarin’ ko Krismas ning’um lemnag Yesus Kristus?