Ahotefoɔ no Kɔ Atɔeɛ

Joseph Smith wuiɛ akyi no, Brigham Young ne asomafoɔ afoforɔ no na wɔdii Asɔre no anim. Na Brigham nim sɛ ɛsɛ sɛ Ahotefoɔ no firi Nauvoo ɛfiri sɛ na ɛnyɛ ahotɔ. Nanso na Awurade pɛ sɛ wɔdi kan si tɛmpol no wie.

Berɛ a wɔwiee tɛmpol no, Ahotefoɔ mpempem ne Awurade yɛɛ apam na wɔsɔɔ wɔn ano sɛ mmusua.

Afei na berɛ aso sɛ wɔhyɛ wɔn atɔeɛ fam akwantu no ase. Na awɔ wom, na na nkorɔfoɔ yare na ɛkɔm de wɔn.

Brigham bɔɔ mpaeɛ pɛɛ mmoa. Awurade kaa sɛ ɛsɛ sɛ wɔboa wɔn ho wɔn ho, na Ɔbɛhyira wɔn na waboa wɔn.

Na akwantuo no da so ara yɛ den yie. Ebinom wuwuiɛ. Nanso esiane wɔn tɛmpol apam nti, Na Ahotefoɔ no nim sɛ wɔbɛhunu wɔn abusuafoɔ bio.

Ahotefoɔ a wɔdi kan no duruu Salt Lake Bonhwa mu wɔ afe 1847 mu. Ɛha deɛ na wɔbɛtumi asom Awurade na wɔayɛ N’adwuma wɔ asomdwoeɛ mu.

Nkakrankakra, Ahotefoɔ bebree duruu hɔ na wɔsisii tɛmpol ahodoɔ bebree. Asɛmpatrɛfoɔ kɔɔ wiase nyinaa kɔkyerɛkyerɛɛ Yesu Kristo asɛmpa no. Agyenkwa no Asɔre no kɔɔ so nyinii, na ɛhyiraa Ɔsoro Agya mma wɔ baabiara.

Ahosuo adwinnie Kratafa

Ɔno ne Hann no, Nkwa no, ne Wiase Anidasoɔ no

Nkyerɛkyerɛmu firi Corey Egbert hɔ

Deɛn na woyɛ wɔ Buronya berɛ de kae Yesu Kristo?