Vatendi Vanoenda kuMadokero

Brigham Young akatarisa apo vanhu pavoshanda paTemberi yeNauvoo isina kupera

Mushure mokufa kwaJoseph Smith, Brigham Young nevamwe vaApositora vakatungamirira Chechi. Brigham aiziva kuti Vatendi vaifanira kubva muNauvoo nokuda kwokuti makanga musina ruchengeteko. Asi Ishe vaida kuti vatange vapedza kuvaka temberi.

Brigham Young achigamuchira vanhu kutemberi

Temberi payakanga yapera kuvakwa, zviuru zveVatendi zvakaita zvibvumirano naIshe uye vakasunganidzwa semhuri.

Zvino yakanga yava nguva yekuti vatange rwendo rwavo rwokuenda kumadokero. Kunze kwaitonhora, uye vanhu vairwara uye vaine nzara.

Mhuri dzichibatsira vamwe kuwana zvokudya nemagumbeze muchando

Brigham akanamatira rubatsiro. Ishe vakati vanofanira kubatsirana, uye Vaizovaropafadza nekuvabatsira.

Rwendo rwacho rwaiva rwakaoma zvikuru. Vamwe vanhu vakafa. Asi nokuda kwezvibvumirano zvavo zvemutemberi, Vatendi vaiziva kuti vaizoona nhengo dzemhuri dzavo zvakare.

Brigham Young ari mungoro akatarisa kuSalt Lake Valley

Vatendi vokutanga vakasvika muSalt Lake Valley muna 1847. Imomo vaikwanisa kunamata Ishe uye kuita basa Ravo murunyararo.

Mifananidzo yematemberi nevashumiri negirobhu riri kumashure

Nemumakore apfuura, vamwe Vatendi vakawanda vakasvika uye vakavaka mamwe matemberi akawanda. Vashumiri vakafamba nepasi rose kuti vadzidzise vhangeri raJesu Kristu. Chechi yeMuponesi yakaramba ichikura, ichiropafadza vana vaBaba Vokudenga kwose kwose.

Peji yekuisa ruvara yePDF yaJesu mucheche ari muchidyiro uye gwayana