सन्तहरू पश्चिमतर्फ जान्छन्

जोसेफ स्मिथको मृत्युपछि, ब्रिघम यङ र अन्य प्रेरितहरूले चर्चको अगुवाइ गर्नुभयो । सन्तहरूले नाभू छाडेर जानु पर्छ किनभने यो सुरक्षित थिएन भनेर ब्रिघमलाई जानकारी थियो । परन्तु तिनीहरूले पहिले मन्दिर निर्माण पूरा गरून् भनेर परमप्रभु चाहनुहुन्थ्यो ।

जब मन्दिर तयार भयो, हजारौँ सन्तहरूले परमप्रभुसँग करार गरे र परिवारका रूपमा बाँधिए ।

अब पश्चिमतर्फको यात्रा सुरु गर्ने समय भएको थियो । मौसम चिसो थियो र मानिसहरू बिरामी र भोका थिए ।

ब्रिघमले सहयोगका लागि प्रार्थना गर्नुभयो । तिनीहरूले एकअर्कालाई सहयोग गर्नु पर्छ र उहाँले तिनीहरूलाई आशीर्वाद दिनुहुने छ र सहयोग गर्नुहुने छ भनेर परमप्रभुले भन्नुभयो ।

यात्रा अझै पनि धेरै कठिन थियो । कतिपयको मृत्यु भयो । तर तिनीहरूको मन्दिरमा गरिएका करारहरूका कारण, सन्तहरूलाई जानकारी थियो कि तिनीहरूले आफ्ना परिवारका सदस्यहरूलाई पुनः भेट्ने छन् ।

पहिलो सन्तहरू १८४७ मा सल्ट लेक उपत्यकामा आइपुगे । यहाँ तिनीहरूले परमप्रभुको आराधना गर्न र शान्तिपूर्वक उहाँको कार्य गर्न सक्थे ।

वर्षौँको दौडान, धेरै सन्तहरू आए र धेरै मन्दिरहरू निर्माण गरे । येशू ख्रीष्टको सुसमाचार सिकाउन सुसमाचार प्रचारकहरू संसारभरि यात्रा गरे । मुक्तिदाताको चर्च स्वर्गका पिताका सन्ततिहरूलाई जताततै आशीर्वाद दिँदै बढ्दै गयो ।

रङ भर्ने पाना

उहाँ संसारको ज्योति, जीवन र आशा हुनुहुन्छ

कोरी एगबर्टद्वारा चित्रण

येशू ख्रीष्टलाई सम्झन क्रिसमसमा तपाईं के गर्नुहुन्छ ?