Abera Berekeza i Burengerazuba

Nyuma y’uko Joseph Smith apfuye, Brigham Young n’izindi Ntumwa bayoboye Itorero. Brigham yari azi ko Abera bagombaga kuva i Nauvoo kubera ko hatari hatekanye. Ariko Nyagasani yashakaga ko babanza kurangiza kubaka ingoro.

Igihe ingoro yari irangiye, Abera ibihumbi bagiranye ibihango na Nyagasani kandi bafatanywa nk’imiryango.

Ubu cyari igihe cyo gutangira urugendo rwabo berekeza i burengerazuba. Ikirere cyari gikonje, kandi abantu bari barwaye ndetse bashonje.

Brigham yasengeye ubufasha. Nyagasani yavuze ko bakwiye gufashanya, kandi ko azabaha umugisha ndetse akabafasha.

Urugendo n’ubundi rwari rugoye. Abantu bamwe barapfuye. Ariko kubera ibihango byabo by’ingoro, Abera bari bazi ko bazongera kubona abagize imiryango yabo.

Abera ba mbere bageze mu Kibaya cya Salt Lake mu 1847 Hano bashoboraga kuramya Nyagasani no gukora umurimo We mu mahoro.

Uko imyaka yagiye ihita, Abera benshi baraje maze bubaka ingoro nyinshi. Abavugabutumwa bagiye hirya no hino ku isi kugira ngo bigishe inkuru nziza ya Yesu Kristo. Itorero ry’Umukiza ryakomeje gukura, rihesha umugisha abana ba Data wo mu Ijuru ahantu hose.

Paji isigwaho Amabara

Ni Urumuri, Ubugingo n’Ibyiringiro by’Isi

Igishushanyo cya Corey Egbert

Ese ni iki mukora kuri Noheli kugira ngo mwibuke Yesu Kristo?