Hinir heilögu fara vestur

Eftir að Joseph Smith dó leiddu Brigham Young og hinir postularnir kirkjuna. Brigham vissi að hinir heilögu yrðu að yfirgefa Nauvoo, því þar var ekki öruggt. Drottinn vildi þó að þeir lykju fyrst við byggingu musterisins.

Þegar musterið var tilbúið, gerðu þúsundir heilagra sáttmála við Drottin og innsigluðust sem fjölskyldur.

Nú var komið að því að hefja ferðina vestur. Kalt var í veðri og fólkið var veikt og hungrað.

Brigham baðst fyrir um hjálp. Drottinn sagði að þau ættu að hjálpa hvert öðru og hann myndi blessa þau og hjálpa þeim.

Ferðin var enn mjög erfið. Sumir dóu. Vegna musterissáttmála sinna, vissu hinir heilögu þó að þeir myndu sjá fjölskyldumeðlimi sína aftur.

Hinir fyrstu heilögu komu í Saltvatnsdalinn árið 1847. Hér gætu þeir tilbeðið Drottin og unnið verk hans í friði.

Í áranna rás komu fleiri heilagir og byggðu fleiri musteri. Trúboðar ferðuðust um víða veröld til að kenna fagnaðarerindi Jesú Krists. Kirkja frelsarans hélt áfram að vaxa og blessaði börn himnesks föður hvarvetna.

Litasíða

Hann er ljós, líf og von heimsins

Myndskreyting: Corey Egbert

Hvað gerið þið um jólin til að minnast Jesú Krists?