Haiv Neeg Ntseeg Mus rau Sab Hnub Poob

Tom qab Joseph Smith tuag, Brigham Young thiab lwm cov Thwj Tim coj lub Koom Txoos. Brigham paub hais tias Haiv Neeg Ntseeg yuav tsum khiav tawm ntawm Nauvoo mus vim tias tsis nyab xeeb. Tiam sis tus Tswv xav kom lawv ua lub tuam tsev tiav ua ntej tso.

Thaum lawv ua lub tuam tsev tiav lawm, ntau txhiab Neeg Ntseeg tau khi lus nrog tus Tswv thiab ua kev cai sib khi nrog lawv tsev neeg.

Tam sim no yog lawv lub sij hawm pib mus rau sab hnub poob. Huab cua no no heev, thiab tib neeg mob thiab tshaib plab.

Brigham thov Vajtswv pab. Tus Tswv hais tias lawv yuav tsum ib leeg pab ib leeg, ces Nws yuav foom koob hmoov rau lawv thiab pab lawv.

Txoj kev mus ntawd tseem nyuaj heev. Ib txhia neeg twb tuag. Tiam sis vim lawv khi lus hauv lub tuam tswv, cov Neeg Ntseeg twb paub hais tias lawv yuav rov qab pom lawv tsev neeg dua.

Thawj cov Neeg Ntseeg los txog lub Hav Salt Lake nyob rau xyoo 1847. Nyob no lawv nyob kaj siab lug pe hawm tus Tswv thiab ua Nws txoj hauj lwm.

Tau ntau xyoo, cov Neeg Ntseeg tuaj coob ntxiv thiab tsim cov tuam tsev ntxiv. Cov tub txib mus thoob plaws lub ntiaj teb kom qhia Yexus Khetos txoj moo zoo. Tus Cawm Seej lub Koom Txoos loj hlob mus ntxiv, thiab foom koom hmoov rau Leej Txiv Saum Ntuj Ceeb Tsheej cov me nyuam nyob txhua qhov chaw.

Phab Ntawv Tha Xim

Nws yog Qhov Kaj, yog Txoj Sia, thiab Kev Cia Siab rau lub Ntiaj Teb

Daim duab los ntawm Corey Egbert

Koj ua dab tsi thaum lub caij Christmas kom nco qab Yexus Khetos?