Ahotseweefo No Kɔ Anee

Joseph Smith wui n’ekyir no, Brigham Young na Asomafo nkaa no dzii Asɔr no baano. Nna Brigham Young nyim dɛ ɔwɔ dɛ Ahotseweefo no fi Nauvoo osiandɛ nna ahotɔ nnyi hɔ. Naaso nna Ewuradze pɛ dɛ wodzi kan wowie temple ne nsii no.

Ber a temple no dzii mu no, Ahotseweefo mpempem nye Ewuradze yɛɛ ahyɛmudzi na wɔsɔɔw hɔn ano dɛ ebusua.

Sesei nna ber asõ dɛ wɔbɛhyɛ hɔn anee akwantu no ase. Nna wimu yɛ awɔw, na nkorɔfo no yar na kɔm dze hɔn.

Brigham Young bɔɔ mpaa dze gye mboa. Ewuradze see dɛ wɔmboa hɔnho nkorkor, na Obehyira hɔn na Ɔaboa hɔn.

Nna akwantu no yɛ dzen papaapa. Nkorɔfo binom wuwui. Naaso osian hɔn temple ahyɛmudzi ntsi, nna Ahotseweefo no nyim dɛ wobohu hɔn ebusuafo bio.

Ahotseweefo a wodzii kan no dur Salt Lake Bɔnsa no mu afe 1847 mu. Nna wobotum asom Ewuradze na wɔayɛ N’edwuma asomdwee mu wɔ ha.

Mfe a abasen no mu no, Ahotseweefo pii bodurii na wosii temple pii. Asɛmpasomafo tuu kwan kɔr wiadze mfɛndzanan nyina kɛkyerɛkyerɛɛ Jesus Christ n’asɛmpa no. Agyenkwa N’Asɔr no kɔr do nyinii, rehyira Ɔsor Egya ne mba wɔ beebiara.

Krataafa a Wɔkekã mu

Ɔno nye kan no, Nkwa no, na Wiadze Enyidado no

Corey Egbert yɛɛ nsaano mfonyin no

Ebɛnadze na eyɛ no Borɔnya ber dze kaa Jesus Christ?