Die Heiliges Trek Wes

Ná Joseph Smith se dood het Brigham Young en die ander Apostels die Kerk gelei. Brigham het geweet die Heiliges moes Nauvoo verlaat omdat dit nie veilig was nie. Maar die Here wou hê hulle moes eers die tempel klaar bou.

Toe die tempel gereed was, het duisende Heiliges verbonde met die Here gesluit en is as families verseël.

Nou was dit tyd om hul reis wes te begin. Die weer was koud, en mense was siek en honger.

Brigham het om hulp gebid. Die Here het gesê hulle moet mekaar help, en Hy sal hulle seën en help.

Die reis was steeds baie moeilik. Sommige mense het gesterf. Maar as gevolg van hul tempelverbonde het die Heiliges geweet hulle sou hul familielede weer sien.

Die eerste Heiliges het in 1847 in die Salt Lake-vallei aangekom. Hier kon hulle die Here aanbid en sy werk in vrede doen.

Oor die jare het meer Heiliges aangekom en meer tempels gebou. Sendelinge het regoor die wêreld gereis om die evangelie van Jesus Christus te verkondig. Die Saligmaker se Kerk het aangehou groei en seën Hemelse Vader se kinders oral.

Inkleurbladsy

Hy Is die Lig, die Lewe en die Hoop van die Wêreld

Illustrasie deur Corey Egbert

Wat doen jy om Jesus Christus met Kersfees te onthou?