Jane Manning o tsaya loeto go ya kwa Nauvoo

Kwa Jane Manning a neng a nna teng, batho bangwe ba ne ba sa mo tseye sentle ka ntlha ya mmala wa letlalo la gagwe. Letsatsi lengwe, o ne a utlwa moanamisa efangele a ruta. Go ise go ye kae o ne a kolobediwa.

Lelwapa la gaabo Jane le lone le ne la kolobediwa. Botlhe ba ne ba batla go nna le Baitshepi kwa Nauvoo. Ka jalo ba simolola loeto lwa bone.

Lelwapa la gaabo Jane le ne le batla go tsamaya ka mokoro mo karolong ya loeto, mme ba ne ba se na madi a a lekaneng. Ka jalo, ba ne ba tshwanelwa ke go tsamaya ka dinao dimaele di le 800 (dikilometara di le 1 300).

Ba ne ba tshwanelwa ke go kgabaganya molatswana o o boteng le go robala kwa ntle mo serameng. Mme ba ne ba ikemiseditse go fitlha kwa Nauvoo. Ba ne ba itumedisa ka go opela fa ba ntse ba tsamaya ka dinao.

Lelwapa la gaabo Jane le ne la tsamaya ka dinao go fitlhelela ditlhako tsa bone di fela mme dinao tsa bone tsa gobala. Mme fa ba ne ba rapela Modimo gore a ba thuse, O ne a fodisa dinao tsa bone.

Ba ne ba thusa batho ba ba neng ba kopana le bone mo tseleng. Ba ne ba bo ba thusa go fodisa ngwana yo o lwalang ka ntlha ya tumelo ya bone.

Kgabagare, Jane le ba lelwapa la gagwe ba goroga kwa Nauvoo! Fa Joseph Smith a utlwa tsotlhe tse ba fetileng mo go tsone, o ne a raya Jane a re, “Modimo a go segofatse. O mo gare ga ditsala jaanong.”

Tsebe ya go Taka

Jeso o batla ke rata mongwe le mongwe.

Setshwantsho ka Corey Egbert

O supa jang lorato mo go ba bangwe?