Jane Manning Tivvjaġġa lejn Nauvoo

Raġel jgħammed lil Jane Manning x’imkien fil-beraħ

Fejn kienet tgħix Jane Manning, xi nies ittrattawha ħażin minħabba l-kulur tal-ġilda tagħha. Darba waħda, hija semgħet missjunarju qed jgħallem. Ma damitx ma tgħammdet.

Jane u l-familja tagħha jinsabu bilwieqfa fuq ix-xatt ħdejn dgħajsa

Il-familja ta’ Jane tgħammdet ukoll. Huma lkoll riedu jkunu mal-Qaddisin f’Nauvoo. Għalhekk huma bdew il-vjaġġ tagħhom.

Jane u l-familja tagħha jġorru l-basktijiet u jaraw dgħajsa titlaq lejn ix-xmara

Il-familja ta’ Jane riedet tivvjaġġa bid-dgħajsa għal parti mill-vjaġġ, iżda ma kellhomx biżżejjed flus. Għalhekk kellhom jimxu 800 mil (1,300 km).

Jane u l-familja tagħha jimxu b’żraben mikulin u ħwejjeġ imtajnin

Huma kellhom jaqsmu nixxiegħa fonda u jorqdu barra fil-kesħa. Iżda huma kienu determinati li jaslu Nauvoo. Huma ferħu lilhom infushom billi kantaw hekk kif mexjin.

Il-familja ta’ Jane mxiet sakemm iż-żraben tagħhom tqattgħu u saqajhom weġġgħu. Iżda meta huma talbu lil Alla għall-għajnuna, Huwa fejqilhom riġlejhom.

Grupp ta’ nies isegwu lil Jane ma’ mara b’tarbija marida

Huma għenu lin-nies li huma ltaqgħu magħhom tul it-triq. Huma saħansitra għenu biex jitfejjaq tifel marid permezz tal-fidi tagħhom.

Jane tgħannaq lil Emma Smith filwaqt li Joseph Smith jitbissem

Finalment, Jane u l-familja tagħha waslu Nauvoo! Meta Joseph Smith sema’ dak kollu li kienu għaddew minnu, huwa qal lil Jane, “Alla jberikkom. Intom fost il-ħbieb issa.”

Paġna biex tingħata l-kulur PDF ta’ żewġt itfal bilqiegħda flimkien fuq siġġu

© 2025 minn Intellectual Reserve, Inc. Id-drittijiet kollha riservati. Stampat fl-Istati Uniti. Approvazzjoni bl-Ingliż: 6/19. Approvazzjoni tat-traduzzjoni: 6/19. Traduzzjoni ta’ Messaġġ ta’ Kull Xahar għall-Ħabib, Ottubru 2025. Maltese. 19630 159