Jane Manning Mus rau Nauvoo

Qhov chaw uas Jane Manning nyob mas muaj neeg ua saib tsis taus nws vim nws cov nqaij daim tawv txawv. Muaj ib hnub, nws hnov ib tug tub txib qhia. Tsis ntev tom qab ntawd ces nws ua kev cai raus dej.

Jane tsev neeg tau ua kev cai raus dej thiab. Lawv sawv daws xav nrog Haiv Neeg Ntseeg nyob hauv Nauvoo. Ces lawv pib sawv kev mus.

Jane tsev neeg xav caij nkoj rau ib feem ntawm lawv txoj kev mus, tiam sis lawv tsis muaj nyiaj txaus. Yog li ntawd lawv yuav tsum taug kev mus deb li 800 mais (1,300 kilaumev).

Lawv yuav tsum hla ib tug dej tob heev thiab pw nraum zoov thaum no no heev. Tiam sis lawv txiav txim siab yuav mus rau Nauvoo xwb. Lawv hu nkauj thaum lawv taug kev kom lawv zoo siab.

Jane tsev neeg tau taug kev mus txog thaum lawv tej khau to qhov thiab lawv txhais ko taw mob heev. Tiam sis thaum lawv thov Vajtswv pab lawv, Nws tau kho lawv txhais ko taw zoo.

Lawv tau pab tib neeg thaum lawv taug kev mus. Lawv kuj pab kho ib tug me nyuam zoo vim lawv muaj kev ntseeg.

Thaum kawg, Jane thiab nws tsev neeg tuaj txog Nauvoo! Thaum Joseph Smith hnov tag nrho tej yam uas lawv raug, nws qhia Jane tias, “Thov Vajtswv foom koob hmoov rau koj. Koj nrog cov phooj ywg nyob lawm.”

Phab Ntawv Tha Xim

Yexus Xav Kom Kuv Hlub Txhua Tus

Daim duab los ntawm Corey Egbert

Koj ua li cas qhia tias koj muaj kev hlub rau lwm tus neeg?