Jane Manning Tu Kwan kɔ Nauvoo

Bea a nna Jane Manning tse no, nkorɔfo bi buu no enyimtsia osian no honam enyi ntsi. Da kor bi, ɔtsee asɛmpasomafo bi dɛ ɔrekyerɛkyerɛ adze. Annkyɛr na wonumaa no.

Wonumaa Jane n’ebusua so. Nna hɔn nyinara pɛ dɛ wonye Ahotseweefo no tsena Nauvoo. Na wɔhyɛɛ hɔn akwantu no ase.

Hɔn akwantu ne fã no, nna Jane n’ebusua pɛ dɛ wɔdze hɛmba tu kwan, naaso nna hɔn sika nnsõ. Ntsi no nna ɔwɔ dɛ wɔnantsew borɔfo kwansin 800 anaa (kilomita 1,300 ).

Nna ɔwɔ dɛ wotwa nsu a no mu dɔ na wɔda abowano wɔ awɔw wirikuiku no mu. Naaso nna wɔdze enyimpi dɛ wobodu Nauvoo. Wɔhyɛɛ hɔnho nkuran ber a wɔdze ndwontow nantsewee.

Jane n’ebusua nantsewee ara kɛpem dɛ hɔn nsopaatsee tsetsewee na hɔn anan tabon yɛɛ ekur. Naaso mber a wɔserɛɛ mboa fii Nyankopɔn hɔ no, Ɔsaa hɔn anan tabon no yarba.

Wɔboaa nkorɔfo a wohyiaa hɔn wɔ kwan no do no. Osian hɔn gyedzi ntsi no mpo wɔboae ma wɔsaa abofra bi a nna ɔyar no yarba.

Ewiei no, Jane na n’ebusua kodur Nauvoo! Mber a Joseph Smith tsee dza woduaa mu nyinara no, ɔkãa kyerɛɛ Jane dɛ, "Nyankopɔn nhyira wo. Sesei dze hom wɔ anyɛnkofo ntamu."

Krataafa a Wɔkekã mu

Jesus Pɛ Dɛ Modɔ Obiara

Corey Egbert yɛɛ nsaano mfonyin no

Isi dɛn kyerɛ ɔdɔ ma binom?