Jane Manning Reis na Nauvoo

Waar Jane Manning gewoon het, het sommige mense haar swak behandel as gevolg van haar velkleur. Een dag het sy ʼn sendeling hoor onderrig. Kort daarna is sy gedoop.

Jane se familie is ook gedoop. Hulle wou almal saam met die Heiliges in Nauvoo wees. So het hulle hul reis begin.

Jane se familie wou vir ʼn gedeelte van die reis per boot reis, maar hulle het nie genoeg geld gehad nie. Hulle moes dus1,300 km loop.

Hulle moes ʼn diep stroom oorsteek en buite in die koue slaap. Maar hulle was vasbeslote om Nauvoo te bereik. Hulle het hulself opgebeur deur te sing terwyl hulle geloop het.

Jane se familie het geloop totdat hulle skoene verslyt was en hul voete seergekry het. Maar toe hulle tot God gebid het om hulp, het Hy hulle voete genees.

Hulle het mense gehelp wat hulle langs die pad ontmoet het. Hulle het selfs gehelp om ʼn siek kind te genees vanweë hulle geloof.

Uiteindelik het Jane en haar familie Nauvoo bereik! Toe Joseph Smith hoor wat hulle alles deurgemaak het, het hy vir Jane gesê: “God seën jou. Julle is nou tussen vriende.”

Inkleurbladsy

Jesus Wil Hê Dat Ek Almal Moet Liefhê

Illustrasie deur Corey Egbert

Hoe toon jy liefde aan ander?