Ntabab i Toey e Nu’un u Nauvoo

Somoel e yoeg ngak fapi Gidii’ rok’ ni ngar mukun gaed ngabang nib be’ech. Giney e bayang nib chugur ko bangi luul’ nrib ga’, ni butt’ riy e ba baerbaer mab rungdu’. Wod ni dani bang e binaew nib fel’ ni ngan dumow nu’un ngay. Machane fare Profet Joseph Smith e manang ni ayuw ku Somoel, ma rayag ni ngan ngongliy nge fel’ ya’an.

Fapi Gidii’en Got era muruwel gaed ni reb gel ni yaed be ngongliy ni nge mang bang nib fel’ ni ngan par riy. Joseph e pining fithingan e ragi n’ey ni Nauvoo, nibe yipfan ni “bangi ban’en ni rib fel’ ya’an.”

Somoel e ba’adag ni fapi Gidii’ Rok’ e ngar toyed reb e temple nga Nauvoo. Fapi gidii’ e rtabab gaed ko muruwel ni kachingiyal’ nem.

Somoel e bay bugi tawa’ath nrib fel’ ni nge pi’ ngak e gidii’ Rok’. Ulan e temple, ma rayag ni ngar ngongliyed fapi m’ag, fa bugi michmicheg ni rib fel’, ngak Somoel. Ma krayag ni ngar filed mornga’agen fare wo’en e Chitamangiy nu Tharmiy nifan ko falfalaen’ nifan ngak pifak ni gubin.

Fapi Gidii’en Got era tabab gaed ngar toeyed fare temple. Rib n’uw napan ngay, machane ri falfalaen’ raed ngay ni ngar filed mornga’agen fapi michmicheg nike tay Somoel nifan ngoraed ulan e temple Rok’.

Babyor ni Yima Achay Yaʼan

Fare Temple e Ir e Nu’un rok Somoel

Murwel rok’ Corey Egbert

Urogon ni gama thamiy u napan ni gara guy e temple?