Rekyekyere Nauvoo

Awurade ka kyerɛɛ Ahotefoɔ no sɛ wɔnhyiam wɔ beaeɛ foforɔ. Na ɛbɛn asubɔnten bi, baabi a na asase no yɛ nsuo ne atɛkyɛ. Na ɛnsɛ beaeɛ pa a wɔbɛkyekyere kuropɔn wɔ hɔ. Nanso na Nkɔmhyɛni Joseph Smith nim sɛ Awurade mmoa nti wɔbɛtumi ama no ayɛ no fɛ.

Ahotefoɔ no yɛɛ adwuma den maa ɛyɛɛ beaeɛ pa a wɔtena hɔ. Joseph frɛɛ kuro no Nauvoo, a asekyerɛ ne “beaeɛ a ɛyɛ fɛ.”

Na Awurade pɛ sɛ N’Ahotefoɔ si tɛmpol wɔ Nauvoo. Nkorɔfoɔ no hyɛɛ aseɛ ntɛm ara yɛɛ adwuma.

Na Awurade wɔ nhyira akɛseɛ de ma Ne nkorɔfoɔ. Wɔ tɛmpol mu no, wɔne Awurade bɛyɛ apam, anaa bɔhyɛ ahodoɔ sononko. Wɔbɛsan asua biribi afa Ɔsoro Agya anigyeɛ nhyehyɛeɛ ma Ne mma nyinaa ho.

Ahotefoɔ no yɛɛ adwuma den na ɛsii tɛmpol no. Ɛgyee berɛ tenten, nanso na wɔn ani agye sɛ wɔbɛsua nhyira ahodoɔ sononko a na Awurade ahyɛ wɔn ho bɔ wɔ Ne tɛmpol mu no ho asɛm.

Ahosuo adwinnie Kratafa

Tɛmpol Yɛ Awurade Fie.

Nkyerɛkyerɛmu firi Corey Egbert hɔ

Sɛ wohunu tɛmpol a, atenka bɛn na wonya?