Kokoudahn Nauvoo

Souleng en Mwowe kan koukouson Nan ihmwpwal akan ni keilen pihl en Mississippi.

Kauno mahsanieng Souleng kan en kohpene wasa kapw ehu. E mih ni keilen pihl laud ehu, wasa me sahpwo wisekesek oh pwelmatak. E sohte wia wasa mwahu ehu en kawada wehi wasao. Ahpw Soukohp Joseph Smith ese me sang ni sawas en Kauno, irail kak wiahda mehkot kaselel ehu.

Ohl weuwa tuhke pohn pwopweho, oahs oh kurumao wa dipwisou en kawada ihmw kan, oh lepin tuhke oh mehn wiahda ihmw kan

Sosep Smith oh ohl akan koasonehdi brick kan ni arail pahn kawada ihmw

Souleng kan dodohk laud pwe en wiahda wasa mwahu en kouson ehu. Soukohp Joseph kihong eden wasao Nauvoo, me wewehki “wasa lingan ehu.”

Sosep Smith idih wasa ehu pohn dohl o wasa me re pahn kawada ie Tehnpas sarawio

Kauno mwahuki Sapwelime Souleng kan en kawada Tehnpas Sarawi Nan Nauvoo. Souleng kan mwadangete tepida dodohk.

Sosep Smith padapadakih ekei Souleng Nan ihmw

Kauno kolokol kapai tohto Ong Sapwelime aramas akan. Nan Tehnpas Sarawi, irail pahn wiahda inou kei, de inou kesempwal kei, Ong Kauno. Irail pahn pil esehla duwen Sahm Nanleng oh Sapwelime pilahn en peren Ong Sapwelime seri kan koaros.

Souleng kan dodohk laud en kawada Tehnpas Sarawio. E lel wehn ansou ehu, ahpw irail men esehla songen kapai kan me Kauno kolokol Ong irail Nan Sapwelime Tehnpas.

© 2025 by Intellectual Reserve, Inc. All rights reserved. Ntingda nan USA. Kamanaman ong Lokaiahn Wai: 6/19. Kamanaman ong Kawehwe: 6/19. Kawehwepen Padahk kan nan Ehu Ehu Sounpwong, Septempe 2025. Pohnpeian. 19640 885