Kev Txhim Tsa Nauvoo

Haiv Neeg Ntseeg thaum ub nyob hauv tsev pheeb suab ntawm ntug Dej Mississippi

Tus Tswv tau qhia Haiv Neeg Ntseeg kom lawv sib sau ua ke hauv ib qho chaw tshiab. Qhov chaw ntawd nyob ze ib tug dej loj, es thaj av ntawd muaj av nkos ntau. Yeej tsis yog ib qho chaw zoo ua ib lub nroog. Tiam sis tus Yaj Saub Joseph Smith paub tias yog tus Tswv pab, ces lawv ua tau ib lub nroog zoo nkauj.

Txiv neej kwv ntoo saum xub pwg, muaj ib tug nees thiab lub laub thauj khoom ua tsev, thiab muaj cov tsev ntoo

Joseph Smith thiab lwm tus txiv neej tso thwv cib thaum ua ib lub tsev

Haiv Neeg Ntseeg tau khwv ua hauj lwm kom ua ib lub nroog zoo nyob. Jopseh hu lub nroog ntawd ua Nauvoo, uas txhais tias “ib qho chaw zoo nkauj.”

Joseph Smith taw tes rau ib qho chaw zoo rau lub tuam tsev saum lub toj

Tus Tswv xav kom Nws Haiv Neeg Ntseeg ua ib lub tuam tsev nyob hauv Nauvoo. Cov neeg tau pib ua hauj lwm sai sai.

Joseph Smith qhia lwm cov Neeg Ntseeg hauv ib lub tsev

Tus Tswv muaj cov koob hmoov zoo kawg uas Nws xav muab rau Nws cov neeg. Nyob hauv lub tuam tsev, lawv yuav khi lus, los yog cog lus tshwj xeeb, nrog tus Tswv. Lawv kuj yuav kawm txog Leej Txiv Saum Ntuj Ceeb Tsheej txoj hau kev zoo siab rau tag nrho Nws cov me nyuam.

Haiv Neeg Ntseeg tau khwv ua hauj lwm kom ua tau lub tuam tsev. Twb siv sij hawm ntev heev, tiam sis lawv zoo siab kawm txog tej lus cog tseg tshwj xeeb uas tus Tswv xav kom lawv cog lus hauv Nws lub tuam tsev.

Phab ntawv tha xim txog ib lub tuam tsev Daim Ntawv Ntxim Ua PDF

© 2025 los ntawm Intellectual Reserve, Inc. Ceev txhua txoj cai. Luam tawm hauv Teb Chaws Amelikas. Pub luam tawm ua lus Askiv: 6/19. Pub txhais ua lus Hmoob: 6/19. Kev txhais Monthly Friend Message, September 2025. Hmong. 19640 295