Aueta Nauvoo

Ewe Samon a ereni ekkewe Souneng repwe ioifengen non eu minafon neni. Arapakan ngeni ew watten chonupupu, ikewe ewe fonu mi chochchon me pwakak a nom ie. Ese nikinikin ew neni mi och ar repwe aueta eu teninimw. Nge ewe Soufos Joseph Smith a sinei pwe ren an ewe Samon aninis, ra tongeni fori epwe ningoch.

Ekkewe Souneng ra angang weires ne fori epwe eu neni mi och ar repwe nonnom ie. Joseph a eita ngeni ewe neni Nauvoo, mine wewen, “eu neni mi ning.”

Ewe Samon a mochen Noun Souneng repwe aueta ew tempel non Nauvoo Ekkewe aramas ra mwitir poputa ne angang.

A wor an ewe Samon wachemuken feioch epwe ngeni Noun aramas. Non ewe tempel, repwe fori pwon mi pin, ika auchean pwon, ren ewe Samon. Repwe pwan kaeo usun an Samach won Nang kokkoten pwapwa fan iten meinisin Noun semirit.

Ekkewe Souneng ra angang weires ne oueta ewe tempel. Ra aueta ren fansoun nakatam, nge ra meseik ar sinei ussun ekkewe auchean pwon ewe Samon a awora fan iter me non An tempel.

Peichen Enuwa

Ewe Tempel Mi ewe Imwen ewe Samon

Sassing seni Corey Egbert

Ifa ussun om mefi nupwen ka kuna ew tempel?